Llythyrau o gefnogaeth ar gyfer Fferm Wynt a Chysylltiad Grid Coed Alwen

Mae Ynni Cymunedol Cymru wedi bod yn gweithio gyda RWE Renewables ers 2017 i sicrhau cam arloesol i Gymru – cyfran gymunedol mewn fferm wynt ar raddfa fawr sydd wedi cael ei datblygu’n fasnachol.

Mae’r prosiect bellach mewn proses ymgynghori ffurfiol ers 26 Tachwedd 2024, ac ar agor i lythyrau o gefnogaeth o’r cyhoedd hyd at 14 Ionawr 2025.

Rydym yn gofyn i gefnogwyr ynni cymunedol anfon llythyr o gefnogaeth i’r arolygiaeth gynllunio. E-bostiwch PEDW.Infrastructure@gov.wales gan ddefnyddio’r teitl Alwen Forest Wind Farm and Grid Connection | DNS/3214855

//

Yn eich geiriau eich hunain, defnyddiwch y pwyntiau isod i lunio llythyr yn cefnogi Fferm Wynt a Chysylltiad Grid Coed Alwen.

PWYSIG

• Mae arbedion carbon yn ystyriaeth sylweddol yn ôl cyfraith cynllunio. Bydd eich llythyr yn cael ei ystyried os ydych chi’n cyfeirio at arbedion carbon y prosiect, a’i fod yn cyfrannu at dargedau Llywodraeth Cymru ar gyfer datgarboneiddio. Rydym yn eich cynghori’n gryf i gyfeirio at yr arbedion i allyriadau CO2 disgwyliedig o dros 2,640,891 tunnell o CO2 wrth ysgrifennu eich llythyr.

PWYNTIAU ERAILL

1. Mae hwn yn brosiect arloesol i Gymru o ran cydberchnogaeth – fe wnaeth RWE ddechrau cyrraedd nod y polisi cydberchnogaeth hyd yn oed cyn iddo gael ei gyhoeddi yn 2020.
   
2. Mae’r model cydberchnogaeth yn fodel sy’n gwella cydraddoldeb.
   
3. Mae’r cyfle i berchen ar hyd at 15% o’r prosiect yn gam sylweddol tuag at berchnogaeth leol ac ymreolaeth, sef calon gwaith Ynni Cymunedol Cymru.
   
4. Mae hygrededd gan y cynnig cydberchnogaeth:
   1. Mae yna Ddatganiad o Ddealltwriaeth wedi’i arwyddo.
   2. Darparwyd arian i YCC gan y datblygwr i gymryd rhan ym mhob un o’r cyfarfodydd cyhoeddus, ac i redeg sesiynau annibynol cyhoeddus.
   3. Mae corff buddsoddi, Ynni Hiraethog, wedi cael ei sefydlu. Bydd pobl leol yn gallu prynu cyfran yn Ynni Hiraethog ar y sylfaen ‘un cyfranddalwr, un pledlais’ ac ennill llog teg ar eu cyfranddaliadau, gyda’r sicrwydd bod unrhyw arian dros ben yn mynd yn uniongyrchol at fuddion cymunedol yn lleol.
   4. Mae hyn yn ychwanegol ac ar wahân i’r pecyn budd cymunedol sy’n cael ei gynnig gan RWE.
   5. Mae cytundeb cydweithio bron â chael ei negydu’n derfynol.
   6. Fe wnaeth YCC gymryd rhan mewn ysgrifennu’r adroddiad buddion cydweithio.
5. Mae’n fodel busnes i ynni cymunedol mewn marchnad sy’n brysur dod yn anoddach ar gyfer cynhyrchiant ynni ar raddfa lai.
   
6. Bydd yn rhan o adeiladu asedau cymunedol yng Nghymru.
   
7. Mae’n dilyn canllawiau Llywodraeth Cymru ar gydberchnogaeth.
   

Gall eich llythyr fod unrhyw hyd yr hoffech chi, a gallwch dynnu oddi ar y pwyntiau uchod, neu ychwanegu atynt. Cofiwch gyfeirio at yr arbedion carbon, ynghyd â’ch cefnogaeth ar gyfer yr elfen o gydberchnogaeth.

Diolch am eich cefnogaeth.