Richard Clay

Mae Richard yn economegydd drwy ei hyfforddiant ac wedi gweithio yn y maes datblygu a gweithredu polisi ynni am dros 20 mlynedd, yn cynnwys treulio mwy na degawd gyda'r rheoleiddiwr ynni Ofgem lle gweithiodd mewn amrywiaeth o swyddi ym marchnadoedd trydan a nwy. Roedd hyn yn cynnwys rheoli cynlluniau cefnogaeth cyllid allweddol yn y 2000au, y cyfnod pan ddaeth ynghlwm â'r sector ynni gyntaf. Mae bellach yn arwain ar bolisi ynni a rheoleiddio ar gyfer Stad y Goron, gan gefnogi datblygiad gwynt y môr a thechnolegau morol newydd eraill yn y DU, yn cynnwys arfordir Cymru. Penodwyd Richard i fwrdd YCC yn 2018 ac mae'n cefnogi gwaith polisi a strategol y cwmni. Mae'n byw yng Nghasnewydd gyda'i deulu.

Dan McCallum

Mae Dan yn un o sefydlwyr Awel Aman Tawe ac yn gyfrifol am waith beunyddiol y mudiad. Mae ganddo radd mewn hanes modern o Brifysgol Rhydychen. Mae ei brofiad gwaith yn cynnwys dwy flynedd o ddysgu yn Sudan, pedair blynedd yn gyfarwyddwr Cynllun Ysgoloriaeth Ffoaduriaid Eritreaidd – cynllun a sefydlodd fel elusen gofrestredig, dwy flynedd yn Gydlynydd Cynllun i Oxfam yn gweithio yn y rhan o Gwrdistan sydd yn Irac a dwy flynedd fel Rheolwr i’r Grŵp Hawliau Lleiafrifoedd yn Affrica a’r Dwyrain Canol. Gweithiodd i Fenter Dyffryn Aman am ddwy flynedd yn rheoli Fforestwr, prosiect coetiroedd cynaladwy.

Yn 2007 bu i Dan gyrraedd rownd derfynol Gwobrau Ernst yng nghategori Entrepreneur Ifanc y Flwyddyn. Ef hefyd yw’r esiampl mentergarwch ar brosiect Dynamo Llywodraeth Cymru lle mae’n rhoi cyflwyniadau rheolaidd mewn ysgolion a chynadleddau Addysg Bellach. Mae swydd Dan wedi ei ariannu gan gynllun Ynni’r Fro Llywodraeth Cymru – cynllun sy’n defnyddio Cronfeydd Strwythurol Ewropeaidd i gynnig benthyciadau a chymorth grant i fentrau cymdeithasol ynghyd â chyngor annibynnol, rhad ac am ddim fel modd o sefydlu mentrau ynni adnewyddol, cymunedol ar draws Cymru. Fel rhan o’i swydd mae’n cynghori grwpiau cymunedol eraill yn ne Cymru ar brosiectau dŵr a thrydan.

Gareth Cemlyn Jones

Ganwyd Gareth yn Ynys Môn, ac ar ôl graddio cafodd yrfa yn y diwydiant cynhyrchu trydan, yn bennaf ar osodiadau hydro. Gweithiodd ar adeiladu ar y safle, rheoli prosiect ynghyd â bod yn gyfarwyddwr technegol a chyfarwyddwr prosiect ar brosiectau rhyngwladol, yn cynnwys gweithio dramor. Mae’n Beiriannydd Siartredig, ac yn Gymrawd o Sefydliad Peirianwyr Mecanyddol. Bellach wedi hanner-ymddeol mae’n gadeirydd ar Ynni Ogwen, cynllun hydro ym Methesda.

Gareth Clubb

Mae Gareth wedi gweithio yn y sector cynaliadwyedd yng Nghymru am bron ugain mlynedd, ac wedi bod yn eiriolwr dros ynni adnewyddadwy, ac yn enwedig ynni cymunedol. Mae wedi gweithio fel cyfarwyddwr i Gymdeithas Eryri a Chyfeillion y Ddaear, ynghyd â fel Prif Weithredwr i Blaid Cymru. Bellach mae Gareth yn Gyfarwyddwr ar WWF Cymru.

Emily Hinshelwood

Mae Emily yn anthropolegydd cymdeithasol, rheolwr prosiect ac ymarferydd creadigol. Mae hi’n gyd-sylfaenydd ac yn Gyfarwyddwr Creadigol ar Awel Aman Tawe (AAT), sydd wedi bod yn arloeswr ym maes Ynni Cymunedol. Mae hi wedi ysgrifennu a dylunio holl gyhoeddiadau AAT gan gynnwys Pecyn Cymorth Ymgynghori ar Ffermydd Gwynt a gyhoeddwyd gan Lywodraeth y DU yn 2002, holl Ddogfennau Cynnig Cyfranddaliadau Awel ac Egni Coop, a nifer o bapurau academaidd ynghylch ynni cymunedol.

Sefydlodd raglen celfyddydau ac newid hinsawdd AAT yn 2010 ac ar hyn o bryd mae’n rheoli prosiect Hwb y Gors – ailddatblygiad o gyn-ysgol gynradd Cwmgors yn ganolfan gymunedol carbon isel ar gyfer y celfyddydau, addysg ac entrepreneuriaeth.

Mae angerdd Emily yn ymwneud ag ysbrydoli pobl i ymgymryd â newid hinsawdd, ac mae hi wedi arwain nifer o brosiectau yn y maes hwnnw. Ymhlith ei ffefrynnau mae: calendr Ynni Adnewyddadwy Noeth AAT yn 2007; prosiect yn 2019 a oedd yn cynnwys dros 700 o bobl yn adeiladu capsiwl at y lleuad tra'r oedd yn artist preswyl am bythefnos ar lawr uchaf Canolfan Gelfyddydau Pontardawe; a’i thaith gerdded ar draws Cymru (2012) lle gofynnodd i unrhyw berson roedd hi'n cwrdd â nhw ‘3 chwestiwn am newid hinsawdd’ gan greu cerddi gair-am-air o’u hatebion a gyflwynodd yng Nghynulliad Cymru ac mewn cynadleddau hinsawdd eraill yn y DU ac Ewrop.

Fe’i dewiswyd yn un o Ysgogwyr Newid Comisiynydd Cenedlaethau’r Dyfodol yn 2023.

Owen Callender

Mae Owen wedi gweithio ar draws y sector ynni cymunedol am y 18 mlynedd diwethaf. Mae wedi cyflwyno amryw o raglenni cymorth i Lywodraeth Cymru, asiantaethau cyllido Ewropeaidd ac Awdurdodau Lleol i gefnogi cymunedau i ddeall cyfleoedd ynni ar gyfer eu hadeiladau, cefnogi busnesau bach a chanolig lleol gydag archwiliadau ynni pwrpasol ac arwain darparu gwasanaethau gwres fforddiadwy yng Nghymru pan oedd yn gweithio i Asiantaeth Ynni Hafren Gwy. Ar hyn o bryd mae Owen yn gweithio i AECOM, gan gefnogi cleientiaid yn y sector cyhoeddus a phreifat i ddeall eu hamcanion datgarboneiddio yn well a chyflawni eu canlyniadau, yn ogystal â rheoli prosiectau datblygu polisi amrywiol ar gyfer Llywodraethau'r DU a Llywodraethau datganoledig.

Tanysgrifiwch i'n rhestr bostio

Os hoffech chi gael yr holl newyddion a gweithgareddau diweddaraf gan Ynni Cymunedol Cymru, cofrestrwch isod. Ni fyddwn yn rhannu eich manylion ag unrhyw un arall, a gallwch ddad-danysgrifio unrhyw bryd.