My Account My Account

Y Tîm

In this section

Ben Ferguson

Cyd-gyfarwyddwr Gweithredol

Mae gan Ben Ferguson dros ddegawd o brofiad ym maes ynni cymunedol, ac wedi bod yn gyfarwyddwr ar, ynghyd â sefydlu prosiect Ynni Sir Gâr – a gosod y tyrbin cymunedol cyntaf o dan berchnogaeth gymunedol yn y sir – a Ynni Cymunedol Sir Benfro. Gyda gwybodaeth dechnegol ddofn am newid hinsawdd, effeithlonrwydd ynni ac ynni adnewyddadwy ar bob raddfa, mae Ben wedi gweithio ac ystod o rhanddeilwyr – o sefydliadau cymunedol i gyrff statudol, busnesau lleol a datblygwyr rhyngwladol.

Leanne Wood

Cyd-gyfarwyddwr Gweithredol

Leanne Wood oedd arweinydd Plaid Cymru o 2012-2018, a’r fenyw gyntaf i gynrhychioli’r Rhondda yn y Senedd, lle’r oedd ganddi gyfrifoldeb dros bolisïau Cynaliadwyedd, Amgylchedd, Cyfiawnder Cymdeithasol a Thai y blaid. Yn ymgyrchydd dros yr hinsawdd a chyfiawnder cymdeithasol ers dros 25 mlynedd.

Dave Gittins

Rheolwr Datblygu Busnes

Mae gan Dave 20 mlynedd o brofiad yn y sector gyhoeddus a trydydd sector yng Nghymru, gyda hanes o sicrhau a dosbarthu cyllid i gefnogi datblygiadau cymunedol, lleihau carbon a mentrau ynni adnewyddadwy. Cyn y rôl hon, roedd Dave yn Gyfarwyddwr dros Gymru i Severn Wye, yn arwain timau sy’n darparu gweithredu ar yr hinsawdd yn y gymuned, ynni adnewyddadwy cymunedol, eiriolaeth tlodi tanwydd ac arloesi o amgylch systemau ynni lleol clyfar. Mae Dave hefyd yn gyfarwyddwr i Ynni Newydd, sy’n adeiladu fferm solar gymunedol ar y ffin â Lloegr yn Sir y Fflint.

Dyfan Lewis

Swyddog Hyrwyddo a Marchnata

Ymunodd Dyfan Lewis â thîm Ynni Cymunedol Cymru ym mis Gorffennaf 2020, ac mae wedi’i leoli yn Nghaerdydd, y ddinas symudodd iddo er mwyn astudio Cymraeg yn y brifysgol. Cyn cymryd y swydd hon, roedd ganddo gefndir mewn cyfathrebu, cyfieithu ac ysgrifennu, gan weithio i Canolfan Mileniwm Cymru a sefydlu ei wasg ei hun, Gwasg Pelydr. Mae’r swydd hon wedi tanio ei ddiddordeb mewn datblygu cymunedol ac mae ganddo ddiddordeb mewn rhannu straeon o brosiectau ynni cymunedol ar lawr gwlad.

Gwenno Huws

Swyddog Aelodaeth a Gweinyddu

Ymunodd Gwenno ag Ynni Cymunedol Cymru fel Swyddog Aelodaeth a Gweinyddu yn Rhagfyr 2022. Yn wreiddiol o Gwm Prysor, mae nawr yn byw yng Nghaerdydd ar ôl treulio tair mlynedd yn astudio gradd mewn Gwleidyddiaeth Ryngwladol. Mae wedi gweithio i'r Urdd yn flaenorol, ac nawr yn edrych ymlaen at ddysgu mwy am fuddion ynni cymunedol, yn enwedig y budd i'r iaith Gymraeg.

Llinos Price

Swyddog Ymchwil a Pholisi

Mae Llinos yn Arbenigwr Polisi a Materion Cyhoeddus gyda dros 25 mlynedd o brofiad o lunio polisi amgylcheddol a datblygu cynaliadwy ledled Cymru a'r DU. Mae hi wedi gweithio ar draws y sectorau cyhoeddus, preifat a gwirfoddol, gan arwain strategaeth polisi, ymchwil ac eiriolaeth, ac ymgysylltu'n effeithiol â'r llywodraeth, y Senedd a rhanddeiliaid.

Lydia Godden

Cydlynydd Rhwydwaith Ynni

Ymunodd Lydia Godden ag Ynni Cymunedol Cymru fel Cydlynydd Rhwydwaith Ynni yn 2024. Cyn hyn, roedd hi'n Swyddog Polisi ac Ymchwil yn y Sefydliad Materion Cymreig yn canolbwyntio ar sut fedrith cymunedau Cymru gadw rhagor o fuddion economaidd o brosiectau ynni adnewyddadwy masnachol. Mae hefyd wedi gweithio yn y cwmni cysylltiadau cyhoeddus Cadno Communications ac mae ganddi MA mewn Gwleidyddiaeth a Llywodraeth Cymru o Brifysgol Caerdydd. Mae'n credu yn gryf fod ynni cymunedol yn cyflwyno cyfle unigryw ar lawr gwlad i fynd i'r afael a cyfiawnder hinsawdd a chymdeithasol ac i adfywio cymunedau Cymru.

Joshua Baker

Rheolwr Datblygu Masnachol ac Asedau

Ymunodd Josh â Ynni Cymunedol Cymru yn 2026. Cyn ymuno ag Ynni Cymunedol Cymru, roedd yn gweithio fel Swyddog Caffael i Gyngor Bwrdeistref Sirol Caerffili. Gweithiodd hefyd fel Rheolwr Masnachol a Rheolwr y Gadwyn Gyflenwi o fewn y diwydiant rheoli gwastraff. Mae Josh yn aelod llawn cymwys o’r Sefydliad Caffael a Chyflenwi Siartredig (MCIPS).

Mirna Amoêdo

Swyddog Ymgysylltu Cymunedol

Ymunodd Mirna Amoêdo ag Ynni Cymunedol Cymru ym mis Mawrth 2026. Mae hi’n wreiddiol o Frasil ond yn cyfrif ei hun fel dinesydd byd-eang, wedi byw mewn 5 gwlad wahanol. Cychwynnodd ei gyrfa fel athrawes ond mae hi nawr wedi trawsnewid i weithio mewn cynaliadwyedd ar ôl iddi astudio Newid a Rheoli Amgylcheddol ym Mhrifysgol Rhydychen. Yn flaenorol roedd Mrina’n gweithio fel Cydlynydd Economi Gylchol ac mae hi nawr yn gweithio fel Swyddog Ymgysylltu Cymunedol i YCC.

Joseph Kidd

Rheolwr Strategaeth

Mae Joseph yn arbenigwr yn y sector ynni gyda dros 20 mlynedd o brofiad yn gweithio ar draws datblygiadau ynni adnewyddadwy, dadansoddi polisi, ac ymgysylltu rhanddeiliaid yng Nghymru a’r DU. Trwy gydol ei yrfa mae wedi bod yn angerddol dros sicrhau bod y trawsnewid i ynni adnewyddadwy yn darparu buddion economaidd, cymdeithasol ac amgylcheddol hir-dymor i gymunedau. Mae wedi gweithio ar draws ystod eang o dechnolegau ynni adnewyddadwy yn cynnwys ynni gwynt ar y tir a môr, Ynni’r Môr, a systemau hydrogen sy’n dod i’r amlwg. Ochr yn ochr â'i rôl gyda YCC yn cefnogi cyfeiriad strategol y sefydliad, mae Joseph yn ymgymryd â gwaith cyflenwol gyda Climate Cymru gan ganolbwyntio ar bolisi sy'n ymwneud â budd cymunedol ar gyfer datblygu ynni adnewyddadwy.

Tanysgrifiwch i'n rhestr bostio

Os hoffech chi gael yr holl newyddion a gweithgareddau diweddaraf gan Ynni Cymunedol Cymru, cofrestrwch isod. Ni fyddwn yn rhannu eich manylion ag unrhyw un arall, a gallwch ddad-danysgrifio unrhyw bryd.